餓 o靚 の部屋

老爺車唔一定要貴先吸引，樣子可愛就足以引死人。講到福士， Orange Van笨頭笨腦，無論經過多少年的時間洗禮，喺車迷心中的地位依然有增無減。試諗吓，喺街度望見呢款麪包 Van， Cute到爆，連 o靚模見到都變成餓狼咁想擒實佢，真係正宗的「餓 o靚之 Van」啦！

記者：趙慧敏
攝影：陳盛臣
Model： Rika、 Laying@GME Models
鳴謝： JPG Motor

1959年出產　年過半百

好多人對「餓 o靚之 Van」都有莫名好感，不過現時香港真正的餓 o靚之 Van只有約 20架，可以見到呢架喺 50年代出廠的真貨， Keep得好好，點會放過佢呢！

「餓 o靚之 Van」由 1950年起生產，正式名稱叫 VW Type 2。至於 VW Type 1便是我們熟悉的 Beetle（甲蟲）。眼前這部綠 Van，生產年份是 1959年，屬 VW Type 2第一代產物，已過半百之年，難得仲可以 Keep到個靚樣，當然係靠車主的悉心照顧啦！

車主 Oscar本身經營汽車公司，兼營古董車搜尋服務，因利乘便，從世界各地搜羅心儀的「餓 o靚之 Van」，不過現時已經買少見少，要搵一輛優質的非常困難，經一段時間搜羅，才以二十多萬港元從英國購入這部車，「買返嚟嗰時當然無咁靚仔，差唔多只得車殼，所有設備都係我重新設計。」 Oscar說花了十多萬港元為它大變身，全車內外都翻新過，車身重新噴油外，他更從英國購入不少配件更換，務求令它變成「鎮店之寶」。

這款屬 VW Type 2第一代款式，車頭以兩個獨立玻璃窗設計，懷舊味濃。

透明的尾膠，今時今日甚為罕見。

軚環也貫徹設計綠色主題，以綠及白色皮包着，手感不錯。

圓形的儀錶板雖有點殘舊，但足以見證其歷史地位。

音響電視雪櫃齊晒

車廂裝嵌了頂置射燈，浪漫氣氛盡現。

我覺得眼前這輛綠 Van除是一部車外，反而更像一個家，車櫳後排恍如一間小部屋，厚身格仔紋皮櫳充滿古典味！不過也有現代級的享受，全車換上先進音響組合，加上 24吋電視，那些 10吋 8吋的電視機仔無得比。

既然稱得上是部屋，小量傢俬當然有，電視機櫃前裝有一個小型雜物架、櫃桶仔、小型雪櫃及紅酒架。想 Sweet啲，車頂全部鋪上咕墊，還裝了小射燈，亮起時浪漫氣氛即時滿瀉。

至於性能就請多點包容，始終是老爺族，不能陪你飆車，沒有空調，不過行車時依然順暢。 Oscar話：「 VW Type 2屬機械設計，有適當保養及維修，絕對可伴你走漫漫長路的。」

格仔真皮座椅，充滿古典味。

車廂內的小型家電一應俱全。

車板都以綠白真皮包裹，好貴氣！

小雪櫃可放兩罐汽水。

蘋果日報